შსს-მ დიდი ოდენობით ნარკოტიკი ამოიღო.კრიმინალურმა პოლიციამ დიდი ოდენობით ნარკოტიკული საშუალების უკანონო შეძენა-შენახვის ბრალდებით, 1974 წელს დაბადებული ქ.მ. და 1974 წელს დაბადებული კ.ნ. თბილისში დააკავა.

სამართალდამცველებმა ერთ-ერთი დაკავებულის პირადი ჩხრეკისას, 4 შეკვრა ჰეროინი ამოიღეს. ბრალდებულების საცხოვრებელი ბინის ჩხრეკისას კი ამოღებულია 36 შეკვრად დაფასოებული ჰეროინი და 19 აბი „მეტადონი".

გამოძიება ჯგუფურად ჩადენილი დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.