ეროვნულმა ბანკმა ახალი ოფიციალური გაცვლითი კურსი დაადგინა, რომლის მიხედვითაც, ლარი დოლართან და ევროსთან მიმართებით გაუფასურდა.

1 აშშ დოლარის ოფიციალური ღირებულება, 2.3963 ლარი გახდა. დღეს მოქმედი კურსით, 1 აშშ დოლარი 2.3824 ლარი ღირდა.

ეროვნული ვალუტა ევროსთან მიმართებით მნიშვნელოვნად გაუფასურდა. დღეს მოქმედი კურსით, ერთი ევროს შესაძენად, 2.5404 ლარი იყო საჭირო. ახალი მონაცემებით კი ერთი ევრო, 2.5708 ლარი ღირს.