გორში კარალეთის ბაზაზე გარდაცვლილი სპეცრაზმელის ადვოკატმა და ოჯახის წევრებმა დღეს პრესკონფერენცია გამართეს. ისინი 37 წლის სულიკო ალესაშვილის გარდაცვალებაში დამნაშავე პირების დაპატიმრებას ითხოვენ.

ახლობლების თქმით, ალესაშვილის გარდაცვალება უბედური შემთხვევა არ იყო და ეჭვებს აძლიერებს ის გარემოება, რომ ოჯახი ამ დრომდე დაზარალებულად არ არის ცნობილი, ამასთანავე მოთხოვნის მიუხედავად მათ არ აცნობენ გამოძიების მასალებს და ექსპერტიზის პასუხს.

სპეცრაზმელი სულიკო ალესაშვილი 25 თებერვალს წვრთნების დროს გარდაიცვალა. გავრცელებული ინფორმაციით, ის უბედურ შემთხვევას ემსხვერპლა.