პოლონეთში დაწყებულ ძიუდოისტთა ევროპის ჩემპიონატზე ხუთი ქართველი სპორტსმენი ასპარეზობს. მათგან მედლებისთვის ბრძოლას კი ამირან პაპინაშვილი და ლუხუმ ჩხვიმიანი აგრძელებენ, რომლებიც 60 კგ-მდე წონითი კატეგორიის ნახევარფინალში გავიდნენ.

პაპინაშვილს მეტოქედ ბულგარელი იანისლავ გერჩევი ჰყავს, ჩხვიმიანს კი - რუსეთის სახელით მოჭიდავე რობერტ მშვიდობაძე. რომ ჩხვიმიანმა 1/4-ფინალში თურქეთის სახელით მოჭიდავე ბეთქილ შუკვანი დაამარცხა.

რაც შეეხება ევროპის მოქმედ ჩემპიონს, ვაჟა მარგველაშვილს, მან მხოლოდ სასტარტო შეხვედრა მოიგო 66 კგ-მდე წონით კატეგორიაში. ასევე ნაადრევად გამოეთიშნენ ბრძოლას ქალთა შეჯიბრების მონაწილეები: ოლგა ალადოშვილი (-48) და ეთერ ლიპარტელიანი (57).