ქალაქ პრეტორიასგან 70 კილომეტრის მანძილზე,ბრონქორფსრუტისა და ვერენას ქალაქებს შორის საავტომობილო გზაზე, სკოლის მიკროავტობუსს სატვირთო მანქანა შეეჯახა.

სასწრაფო სამედიცინო სამსახურის წარმომადგენლის ცნობით, შემთხევვას 20 სკოლის მოსწავლე ემსხვერპლა.

ადგილზე მისულმა სამართალდამცველებმა და მაშველებმა ბავშვების გადარჩენა ვერ შეძლეს, რადგან შეჯახებას აფეთქება და ხანძარი მოჰყვა.

პოლიციის ინფორმაციით, დაღუპულები 5-დან 10 წლამდე ასაკის მოსწავლეები არიან. ავარიის ზუსტი მიზეზი ამ დროისთვის უცნობია.