დედაქალაქში, გურამიშვილის გამზირზე მომხდარ ავარიას მამაკაცი ემსხვერპლა. მოტოციკლით მოძრავი ახალგაზრდა გაჩერებულ ავტობუსს დაეჯახა და მოტიციკლისტი ადგილზე გარდაიცვალა.

შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.