ბელგიური ტელეკომპანია „RTL" -ის ცნობით, ბრიუსელის ერთ-ერთ რაიონში ტერორიზმში ეჭვმიტანილი ხუთი პირი დააკავეს. დაკავებულებს ცეცხლსასროლი იარაღი, ჯავშანჟილეტი, საბრძოლო მასალა და ნარკოტიკული ნივთიერება ჩამოართვეს. ისინი სასამართლოს წინაშე დღეს წარსდგებიან.

პროკურატურა ხაზგასმით აღნიშნავს, რომ ტერორიზმში ეჭვმიტანილი პირები 20 აპრილს პარიზის ცენტრში მომხარ ტერაქტთანაც არ არიან დაკავშირებული.

პარიზში თავდასხმა 20 აპრილს, ღამით მოხდა. მამაკაცი ავტომობილიდან გადმოვიდა და ავტომატიდან პოლიციის მანქანას ცეცხლი გაუხსნა. მოგვიანებით ტერორისტულმა დაჯგუფებამ „ისლამური სახელმწიფო" თავდასხმაზე პასუხისმგებლობა აიღო და განაცხადა, რომ ტერორისტი მისი მებრძოლი იყო.