ძიუდოს ევროპის ჩემპიონატზე, რომელიც პოლონეთში მიმდინარეობს, -90 კგ წონით კატეგორიაში, ბექა ღვინიაშვილმა ბრინჯაოს მედალი მოიპოვა. ბრინჯაოსთვის ბრძოლაში, ქართველმა ფალავანმა აზერბაჯანელი მეჰდიევი დაამარცხა. პოლონეთის დედაქალაქში მიმდინარე ევროპირველობაზე, ღვინიაშვილის მედალი საქართველოს ნაკრებისთვის პირველია.

დღეს +100 კგ წონით კატეგორიაში, ქართული ფინალი შედგება, სადაც ერთმანეთს ადამ ოქრუაშვილი და გურამ თუშიშვილი დაუპირისპირდებიან, რაც იმას ნიშნავს, რომ საქართველოს ნაკრებს ერთი ოქროსა და ერთი ვერცხლის მედალი შეემატება.