ახალქალაქი-ნინოწმინდის მაჟორიტარი დეპუტატის, სამველ მანუკიანის ავტომობილს ცეცხლი წაუკიდეს. მეზობლების განცხადებით, დეპუტატის სახლის წინ მდგარ მანქანას დაუდგენელმა პირმა ცეცხლი წაუკიდა  და ადგილიდან მიიმალა.

შინაგან საქმეთა სამინისტროს განცხადებით, ახალქალაქის რაიონული სამმართველოს თანამშრომლებმა ავტომანქანის დაზიანების შესახებ შეტყობინების მიღებისთანავე დაიწყეს საგამოძიებო მოქმედებების განხორციელება. დანიშნულია შესაბამისი ექსპერტიზები. გამოძიება სსკ-ის 187-ე მუხლით დაიწყო (სხვისი ნივთის დაზიანება ან განადგურება).