უამინდობის გამო თბილისის საერთაშორისო აეროპორტში ფრენები დროებით შეყოვნდა. გვიან ღამით „Turkish Airline"-ის ერთი რეისი მოიხსნა, მეორე კი გადაიდო. მგზავრთა ნაწილი უახლოეს რეისებზე გადაანაწილეს, გაუქმებული რეისის მგზავრები - სასტუმროებში დააბინავეს. აეროპორტის ადმინისტრაციის ინფორმაციით, ჯერჯერობით უცნობია როდის შესრულდება გაუქმებული ფრენა, შესაძლოა ეს დღეს შუადღისას ან საღამოს მოხდეს.

პრობლემა შეექმნა თელ-ავივი-თბილისის ავიარეისსაც. ძლიერი ქარის გამო თვითმფრინავი თბილისის ნაცვლად ერევანში დაჯდა და რეისი სამი საათის დაგვიანებით შეასრულა. „უკრაინის ავიახაზებისა" და „Fly Dubai"-ს თვითმფრინავებმა კი რეისის დასრულებამდე ჰაერში რამდენიმე წრე დაარტყეს.