ავღანეთის პრეზიდენტის კანცელარიის განცხადებით, სამხედრო ბაზაზე „თალიბანის" თავდასხმის შემდეგ, ავღანეთის თავდაცვის მინისტრმა და სახმელეთო ჯარის ხელმძღვანელმა თავიანთი თანამდებობები დატოვეს.

21 აპრილს, ავღანელი სამხედროების ფორმაში გადაცმული მებრძოლები ქალაქ მაზარი-შარიფთან, სამხედრო ბაზის ტერიტორიაზე შეიჭრნენ. თავიდან თვითმკვლელმა თავი აიფეთქა შესასვლელში, რის შემდეგაც ექსტრემისტები ბაზის ტერიტორიაზე მანქანებით შევარდნენ. აფეთქებას 140 ადამიანის სიცოცხლე ემსხვერპლა. ერთ-ერთი თავდამსხმელი, რომელსაც ქამრით ტანზე ასაფეთქებელი მოწყობილობა ჰქონდა მიმაგრებული მალევე დააკავეს. მომხდარზე პასუხისმგებლობა ექსტრემისტულმა დაჯგუფება „თალიბანმა" აიღო.