ფონიჭალაში დედა-შვილის მკვლელობაში ბრალდებულის, გიორგი ხაბელაშვილის ადვოკატი თამაზ კვახაძე ირწმუნება, რომ თბილისის ქუჩებში მანიაკი დადის და ერთნაირი ხელწერით ადამიანებს ხოცავს.

ადვოკატი დარწმუნებულია, რომ რეალური დამნაშავე კვლავ თავისუფალია. იგი პარალელს ფონიჭალაში მომხდარ მკვლელობასთან რამდენიმე ხნის წინ ბუდაპეშტის ქუჩაზე მომხდარ მკვლელობასთან ავლებს და აცხადებს, რომ 70 წლის მამაკაცი ანალოგიური ხელწერით მოკლეს.

„რამდენიმე ხნის წინ ბუდაპეშტის ქუჩაძე მკვლელობა მოხდა. 70 წლის კაცი ყელისა და მუცლის არეში დანით დაჩეხეს, შემდეგ კი სახლში სახლს ცეცხლი წაუკიდეს. იგივენაირად მოკლეს ფონიჭალაში დედა-შვილი. ეს არის ან შურისძიება, ან საქმე გვაქვს სერიულ მკვლელთან. კრიმინალისტებმა უნდა დაადგინონ, რამდენად არსებობს კავშირი ამ ორ მკვლელობას შორის", - აცხადებს ადვოკატი.