„Reuters „ -ის ინფორმაციით, ავღანეთში აშშ-ს სამხედრო ბაზასთან, რომელსაც ამერიკელი სამხედროები და კერძო კომპანიები მართავს, მანქანაში დამონტაჟებული ბომბი აფეთქდა.

შემთხვევა ავღანეთის აღმოსავლეთ ნაწილში, ხოსთის პროვინციაში, „Forward Operating Base Chapman"-ის ბაზის შესასვლელთან მოხდა.

აღნიშნულ ფაქტს აშშ-ის შეიარაღებული ძალების წარმომადგენლობაც ადასტურებს.

ვრცელდება ინფორმაცია, რომ აშშ-ის სამხედროები ინციდენტის შედეგად არ დაშავებულან. თუმცა დაშავდნენ თუ არა ავღანელი სამხედროები ჯერჯერობით უცნობია.