ესპანეთის სპეცსამსახურებმა „ისლამურ სახელმწიფოსთან" კავშირში ეჭვმიტანილი 8 პირი დააკავეს. ანტიტერორისტული ოპერაცია ძალოვანებმა ბარსელონაში, ბელგიის სპეცსამსახურების დახმარებით ჩაატარეს.

პოლიციის განცხადებით, რვა დაკავებული 21-დან 39 წლამდე ასაკის წარმოშობით მაროკოელი ახალგაზრდაა. რამდენიმე მათგანი ბრიუსელის აეროპორტსა და მეტროში მომხდარ ტერაქტებთან კავშირშია ეჭვმიტანილი.

ესპანეთის შინაგან საქმეთა სამინისტროს ცნობით, ესპანელმა ძალოვანებმა ჩხრეკა 12 მისამართზე ჩაატარეს და დაკავებულების პირადი ნივთები ამოიღეს.