გარემოს დაცვის ინსპექციამ ხე-ტყის უკანონო მოპოვებისა და ტრანსპორტირების ორი ფაქტი გამოავლინა.

ბორჯომის მუნიციპალიტეტში, თელვანისა და ჭობისხევის ტყეში, მოქალაქეებს კახა გელაშვილს და ჯაბა სამსონაშვილს უკანონოდ მოპოვებული მრგვალი მორები გადაჰქონდათ. გარემოს დაცვის ინსპექციამ ავტომანქანები დალუქა და შესაბამისი აქტები შეადგინა.

გარემოსდაცვითი ინსპექტირების თანამშრომლებმა დღეს კიდევ ერთი კანონდარღვევა გამოავლინეს. სენაკის სოფელ თეკლათში, მოქალაქე დავით წურწუმიამ ნიადაგის ზედა ჰუმუსოვანი ფენა უკანონოდ მოიპოვა.