ქრონიკული დაავადებების სამკურნალო მედიკამენტები 100 ათასამდე ქულის მქონე მოქალაქეებს დაუფინანსდებათ. ეს ცვლილება საყოველთაო ჯანდაცვის პროგრამაში მთავრობის დღევანდელ სხდომაზე დამტკიცდა.

სახელმწიფო 6 თვის სამყოფ მედიკამენტებს საერთაშორისო ტენდერის საფუძველზე შეისყიდის. ამისთვის 4 მილიონამდე ლარია გამოყოფილი.

ცვლილების დეტალებზე საქართველოს შრომის, ჯანმრთელობისა და სოციალური დაცვის მინისტრმა, დავით სერგეენკომ ისაუბრა.

„საყოველთაო ჯანდაცვის ერთ-ერთი ყველაზე მნიშვნელოვანი ხარვეზი იყო წვდომა ამბულატორიულ, ქრონიკული დაავადებების სამკურნალო მედიკამენტებზე. ეს პრივილეგია გავრცელდება 0-დან 100 ათას ქულის მქონე მოქალაქეებზე და მათ დაეფარებათ 5 ძირითადი ქრონიკული დაავადების სამკურნალო პრეპარატები" , - განაცხადა დავით სერგეენკომ.