საფრანგეთში მოკლემეტრაჟიანი ფილმების ფესტივალზე, „L Ombre d un court"-ზე, ანა ჩუბინიძის ანიმაციურმა ფილმმა „ჯიბის კაცი" ორი პრიზი მოიპოვა. ქართველმა ანიმატორმა საუკეთესო სცენარისთვის ჯილდო ახალგაზრდული ჟიურისგან მიიღო და ახალგაზრდა მაყურებლის პრიზიც დაიმსახურა.

„ჯიბის კაცი" საერთაშორისო მაყურებლის წინაშე პირველად ნიუ-იორკის საბავშვო ფილმების ფესტივალზე წარსდგა. წარმატებული მსოფლიო პრემიერის შემდეგ კი მონრეალის კინოფესტივალზე 2 ჯილდოს მოპოვება შეძლო.

„ჯიბის კაცი" ანიმაციაში პირველი ქართულ-ფრანგული კოპროდუქციაა. ზაფხულში „ჯიბის კაცი" ანიმაციური ფილმების ერთ-ერთ ყველაზე მნიშვნელოვან კონკურსზე, ანსის საერთაშორისო ფესტივალის საკონკურსო პროგრამაშიც მიიღებს მონაწილეობას.