არასამთავრობო ორგანიზაციები „საერთაშორისო გამჭვირვალობა" და „ადამიანის უფლებების სწავლებისა და მონიტორინგის ცენტრი" შინაგან საქმეთა სამინისტროს გამჭვირვალობის ხარისხს აფასებენ. კვლევის მიხედვით, სამინისტროში პრობლემებია საჯარო ინფორმაციაზე ხელმისაწვდომობის და სტატისტიკის წარმოების კუთხით, ასევე საკადრო პოლიტიკასთან დაკავშირებით.

„ჩვენი რეკომენდაციები არის, რომ დროულად მოხდეს ინფორმაციის გაცემა. ასევე, სამინისტრომ მუდმივ რეჟიმში უზრუნველყოს შესაბამისი სტატისტიკის წარმოება, რათა შემდეგ არ შეფერხდეს საჯარო ინფორმაციის დროულად გაცემა" , - განაცხადა „საერთაშორისო გამჭვირვალობა-საქართველოს" იურისტმა, ოლიკო შერმადინმა.

კონფერენციას შინაგან საქმეთა სამინისტროს წარმომადგენლებიც ესწრებოდნენ.