ამერიკულმა სამხედრო ხომალდმა „Mahan", რომელიც სპარსეთის ყურეში პატრულირებს, კურსი შეიცვალა, რათა ირანულ გემს არ შეჯახებოდა. ამერიკელი სამხედროების ინფორმაციით, ირანული გემი ამერიკულ საესკადრო ნაღმოსანს 900 მეტრით მიუახლოვდა.

ვრცელდება ინფორმაცია, რომ მანევრის დროს ამერიკულ გემზე საბრძოლო მზადყოფნა გამოცხადდა.

„Mahan"-მა მიმდინარე წლის 8 იანვარს ორმუზის სრუტეში ირანული საბრძოლო კატარღების მიახლოებისას გამაფრთხილებელი ცეცხლი გახსნა. ამის შემდეგ კატარღებმა კურსი შეცვალეს.