თურქული ავიაციის დარტყმების შედეგად, სირიისა და ერაყის ჩრდილოეთ ნაწილში 30-მდე ადამიანი დაიღუპა. თურქულმა შეიარაღებულმა ძალებმა ავიადარტყმები ქურთთა პოზიციებზე სინჯარისა და კარაჩოკის რაიონებში განახორციელა. დაბომბვის დროს, ამერიკელი სამხედროები ინციდენტის ადგილიდან 6 კილომეტრში იმყოფებოდნენ. ისინი არ დაშავებულან.

ქურთები „ისლამურ სახელმწიფოსთან" ბრძოლაში აშშ-ის ერთ-ერთი მთავარი მოკავშირეები არიან. იმის გამო, რომ ანკარამ „ქურთისტანის მუშათა პარტიის" პოზიციები დაბომბა, შეშფოთება სახელმწიფო დეპარტამენტის ოფიციალურმა წარმომადგენელმა, მარკ ტონერმა გამოთქვა.