საქართველოს სახალხო დამცველი სტრასბურგში შეხვედრებს მართავს. ომბუდსმენმა ევროსაბჭოს საპარლამენტო ასამბლეის წევრებს საქართველოში ადამიანის უფლებათა მდგომარეობის შესახებ მიაწოდა ინფორმაცია.

უჩა ნანუაშვილის თქმით, ყურადღება გამახვილდა კონსტიტუციაში შესატან ცვლილებებზე, სასამართლო სისტემაში არსებულ ხარვეზებზე, პოლიციის მხრიდან შესაძლო არასათანადო მოპყრობის გახშირებულ ფაქტებსა და პენიტენციარულ დაწესებულებებში არსებულ მდგომარეობაზე.

„გვქონდა დეტალური საუბარი სასამართლო სისტემაში არსებულ მდგომარეობაზე, პროკურატურაზე, სამართალდამცავი ორგანოების საქმიანობაზე, არასათანადო მოპყრობის ფაქტებზე, ქალთა მიმართ ძალადობაზე" , - განაცხადა უჩა ნანუაშვილმა.

დღეს უჩა ნანუაშვილი ევროსაბჭოს გენერალურ მდივანს შეხვდება.