საერთაშორისო ორგანიზაცია „Freedom House"-მა 2017 წლის პრესის თავისუფლების ინდექსი გამოაქვეყნა. რეიტინგში საქართველო ნაწილობრივ თავისუფალი ქვეყნების სიაში მოხვდა და 100-დან 50 ქულა მიიღო. ანგარიშში ასევე საქართველოს საკანონმდებლო, პოლიტიკური და ეკონომიკური გარემოა შეფასებული.

საკანონმდებლო გარემოს თავისუფლების მხრივ, საქართველომ 30-დან 13, პოლიტიკური თავისუფლების მხრივ კი 40-დან 21 ქულა მიიღო. საერთაშორისო ორგანიზაციამ საქართველოში ეკონომიკური თავისუფლება 30-დან 16 ქულით შეაფასა.

საქართველო გლობალურ რეიტინგში 102-ე ადგილზეა და პოსტსაბჭოთა ქვეყნებს შორის საუკეთესო მაჩვენებელი აქვს. ნაწილობრივ თავისუფალი ქვეყნის სტატუსი პოსტსაბჭოთა სივრცეში მხოლოდ საქართველოს, უკრაინას და მოლდოვას აქვთ.

საქართველო 2016 წელსაც ნაწილობრივ თავისუფალი ქვეყნების სიაში მოხვდა.