გელათის მონასტერთან ავტოსაგზაო შემთხვევა მოხდა. ერთმანეთს სატვირთო ავტომობილი და მიკროავტობუსი შეეჯახა, რომელშიც ზესტაფონის სკოლის მოსწავლეები ისხდნენ. შემთხვევის შედეგად სამი ბავშვი დაშავდა. ისინი ქუთაისის ინტერვენციული მედიცინის ეროვნულ ცენტრში გადაიყვანეს.

გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც სატრანსპორტო საშუალების მოძრაობის წესების დარღვევის შედეგად, ჯანმრთელობის დაზიანების გამოწვევას გულისხმობს.