ვაშინგტონსა და ფხენიანს შორის არსებული დაძაბულობა შესაძლოა დიდ შეიარაღებულ კონფლიქტში გადაიზარდოს. ამის შესახებ აშშ-ის პრეზიდენტმა სააგენტო „reuters"-თან ინტერვიუში განაცხადა.
„ჩრდილოეთ კორეის ბირთვული და სარაკეტო პროგრამის პრევენციის მიზნით, ფხენიანთან მასშტაბური კონფლიქტი შესაძლებელია, თუმცა პრობლემის დიპლომატიური გზებით მოგვარება უმჯობესია" , - განაცხადა ტრამპმა.
დონალდ ტრამპის თქმით, აშშ-ის სხვა პრეზიდენტების მსგავსად, კორეის ნახევარკუნძულის საკითხის მოგვარება ახალ ადმინისტრაციასაც მშვიდობიანად სურს, თუმცა დიპლომატიური გადაწყვეტა რთულია.
აშშ-ის პრეზიდენტის განცხადებით, ის დარწმუნებულია, რომ ჩინეთის ლიდერი ცდილობს ხელი შეუწყოს პრობლემის გადაჭრას.
„ვიცი, რომ მას სურს რაღაცის მიღწევა", - თქვა დონალდ ტრამპმა.