„პოლონეთის ერთ-ერთ ქსელთან უკვე ხელი ეწერება ხელშეკრულებას, უკვე გაიგზავნა ჩინეთში და ვიწყებთ ექსპორტს. ქართველ მომხმარებელსაც ძალიან მოსწონს ახალი პროდუქტი". ამის შესახებ "jimsher"-ის დამფუძნებელმა, ჯიმშერ ჩხაიძემ ტელეკომპანია „მაესტროს" ეთერში ისაუბრა.

პირველი ქართული ვისკის ბრენდის შექმნაზე კომპანია 10 წელზე მეტია მუშაობს. ალკოჰოლური სასმელი ქართული ღვინის კასრების გამოყენებით არის დამზადებული. მისი ფასი 45-დან 65 ლარამდე მერყეობს.

ჯიმშერ ჩხაიძის თქმით, ჯერჯერობით ვისკის ორი სახეობა, „საფერავის კასრი" და „ბრენდის კასრი" გამოვიდა. იგეგმება მესამე სახეობა - „წინანდლის კასრის" გამოშვებაც.