ბრაზილიაში საყოველთაო გაფიცვას პოლიციასა და მანიფესტანტებს შორის დაპირისპირება მოჰყვა, აქტივისტებმა რიოში ავტობუსები და ავტომობილები დაწვეს. ბლოკირებული იყო ქუჩები. მანიფესტანტები მთავრობის მიერ შეთავაზებული შრომის კანონმდებლობისა და საპენსიო სისტემის რეფორმას აპროტესტებენ.

ქვეყნის პრეზიდენტი, მაიკლ ტემერი წუხილს გამოთქვამს მომხდარის გამო, თუმცა ამბობს, რომ ყველა ნაბიჯს გადადგამს ქვეყნის მოდერნიზაციისთვის. მისი თქმით, ბრაზილიელი მუშები და მთავრობა ერთობლივად მუშაობენ, რათა ქვეყანა თავისი არსებობის ისტორიაში ყველაზე მძიმე მდგომარეობიდან გამოიყვანონ.