არასამთავრობო ორგანიზაციები, პოლიტიკური პარტიები და მოქალაქეები ქალაქის ცენტრში აქციას მართავენ. ისინი კონსტიტუციის 48-ე მუხლიდან პარლამენტის ადგილსამყოფელად ქუთაისის ამოღებას აპროტესტებენ.

აღნიშნულმა ორგანიზაციებმა ქუთაისში ხელმოწერების შეგროვება უკვე დაიწყო. საინიციატივო ჯგუფის წევრებმა მოსახლეობას ფლაერები დაურიგეს. ისინი მოუწოდებენ მოქალაქეებს, შეუერთდნენ ქუთაისობის პარალელურად დაგეგმილ აქციას. 2 მაისს ისინი პარლამენტის შესაძლო გადატანის საკითხს კიდევ ერთხელ გააპროტესტებენ.