„ეროვნული ფრონტისა" და „აღსდექ, საფრანგეთოს" ლიდერებმა, მარინ ლე პენმა და ნიკოლა დიუპონ-ენიანმა ერთობლივ პრესკონფერენციაზე წინასაარჩევნო ალიანსის შექმნა გამოაცხადეს.

მარინ ლე პენის თქმით, პრეზიდენტად არჩევის შემთხვევაში, ის ნიკოლა დიუპონ-ენიანს საფრანგეთის პრემიერმინისტრად დანიშნავს.

დიუპონმა საფრანგეთის საპრეზიდენტო არჩევნების პირველ ტურში ხმების 4,7% მიიღო.

„დღევანდელი დღე ისტორიულია, ვინაიდან ჩვენ საფრანგეთის ინტერესები პარტიულ ინტერესებზე მაღლა დავაყენეთ", - აღნიშნა ნიკოლა დიუპონ-ენიანმა.

საფრანგეთის საპრეზიდენტო არჩევნების მეორე ტური 7 მაისს გაიმართება.