სეპარატისტული რეჟიმის ე.წ საგარეო საქმეთა სამინისტროს ცნობით,

სოხუმის მერმა იტალიის ერთ-ერთ ქალაქთან განზრახვების შესახებ პროტოკოლს ხელი მოაწერა.

არსებული ცნობის თანახმად, პროტკოლს ხელი იტალიაში, ქალაქ ბარიში, ოკუპირებული აფხაზეთის საინვესტიციო პოტენციალის პრეზენტაციის მსვლელობისას მოეწერა.

სეპარატისტული რეჟიმისა და იტალიის ერთ-ერთ ქალაქს შორის გაფორმებული პროტოკოლის თანახმად, ხელმომწერები ურთიერთსარგებელზე დაფუძნებული თანამშრომლობის გაფართოებაზე, მეგობრული ურთიერთობების გაღრმავებაზე, მეცნიერებისა და კულტურის სფეროში თანამშრომლობაზე, ტურიზმის, სავაჭრო ურთიერთობებისა და ბიზნესის გაგანვითარებაზე შეთანხმდნენ.