ქართლის ქარის ელექტროსადგურის გასაყიდ ფასს დაქირავებული აუდიტორული კომპანია მაისში გამოაცხადებს. ფასის დადგენის შემდეგ მოხდება გასხვისების პირობების შედგენა, შემდეგ კი ელექტროსადგური ელექტრონულ აუქციონზე განთავსდება. სადგური 27 იანვარს მოიხსნა სატესტო რეჟიმიდან და კვალიფიციურ საწარმოდ დარეგისტრირდა.

ენერგეტიკის განვითარების ფონდის ინფორმაციით, სადგურის შეძენის მიმართ ინტერესი დიდია. ელექტროენერგეტიკული სისტემის კომერციული ოპერატორი სადგურის მიერ გამომუშავებულ 1 კვტ.სთ ელექტროენერგიას 6.89 ცენტად ყიდულობს.

ქართლის ქარის ელექტროსადგურის სიმძლავრე 20,7 მგვტ-ს შეადგენს. სადგური 6 ცალი 3,45 მგვტ-ის სიმძლავრის ქარის ტურბინისაგან შედგება.