ფინანსურმა პოლიციამ ყალბი ფულის დამზადება - გასაღების ფაქტზე, წინასწარი შეთანხმებით შექმნილი ჯგუფის ოთხი წევრი დააკავა. გამოძიებით დადგენილია, რომ ერთ - ერთი ბრალდებული, სისტემატურად ამზადებდა 100 და 200-ლარიან ყალბ კუპიურებს.

ბრალდებული ყალბ ფულს დანაშაულებრივი ჯგუფის წევრების დახმარებით, საქართველოს მთელ ტერიტორიაზე, სხვადასხვა სავაჭრო ობიექტებში და ფიზიკურ პირებზე ასაღებდა.

საქმეზე გამოძიება სისხლის სამართლის კოდექსის 212-ე მუხლით მიმდინარეობს, რაც სასჯელის სახით 7-დან 10 წლამდე ვადით თავისუფლების აღკვეთას ითვალისწინებს.