გარემოს ეროვნული სააგენტო კვირის განმავლობაში მოსალოდნელ ამინდის პროგნოზს აქვეყნებს. დღის ბოლომდე დასავლეთ საქართველოში მოსალოდნელია უნალექო ამინდი. ჰაერის ტემპერატურა +26, +31 გრადუსამდე მოიმატებს. აღმოსავლეთ საქართველოს ცალკეულ რაიონში საღამოს საათებში ხანმოკლე წვიმა და ელჭექი იქნება.

2 მაისს დღისით შედარებით მაღალი ტემპერატურა იქნება და ზოგან იწვიმებს.

3 - 7 მაისს საქართველოში მოსალოდნელია დროგამოშვებით ხანმოკლე წვიმა და ელჭექი.

3 - 4 მაისს ჰაერის ტემპერატურა დაიკლებს და +19, +24 გრადუსი იქნება. 5 - 6 მაისს +23, +28 გრადუსამდე დათბება. 7 მაისს ისევ შედარებით გრილი ამინდია მოსალოდნელი.

1 - 7 მაისს ქვეყნის აღმოსავლეთ ნაწილში შესაძლებელია სეტყვა.