თბილისში, ხეთაგუროვის ქუჩაზე ორი ავტომობილი ერთმანეთს შეეჯახა, რის შემდეგაც ერთ-ერთის მძღოლმა საჭე ვერ დაიმორჩილა და სუპერმარკეტის კედელს შეეჯახა, - შემთხვევა წუხელ მოხდა.

თვითმხილველთა ცნობით, ავტომობილის მძღოლმა საჭე ვერ დაიმორჩილა და ერთ-ერთი სუპერმარკეტის კედელს დაეჯახა. შემთხვევის შედეგად ავტომობილების მძღოლები მსუბუქად დაშავდნენ. დაზიანდა მარკეტის კედელი და სწრაფი ჩარიცხვის აპარატი.

შინაგან საქმეთა სამინისტროს განცხადებით, დამნაშავე მძღოლი ადმინისტრაციული წესით დაჯარიმდება.