სააგენტო „ანადოლუს" ინფორმაციით, შვეიცარიის ქალაქ ციურიხში მდებარე თურქეთის საკონსულოს, უცნობმა პირებმა, საღებავით სავსე ბოთლები დაუშინეს. საელჩოსთან გვერდით მდებარე შენობაზე კი წარწერა დატოვეს „მოკალი ერდოღანი".

ციურიხში თურქეთის გენერალური კონსულის ასიე ნურჯანის განცხადებით, დიპლომატიური მისიის შენობაზე თავდასხმა სულ მცირე 60 ადამიანმა განახორციელა. დაკავებული არავინ არის.

„საბედნიეროდ, არავინ დაშავებულა. თავდასხმა არასამუშაო დღეს მოხდა", - აღნიშნა დიპლომატმა.

როგორც სააგენტო „ანადოლუ" იუწყება, თავდასხმის ორგანიზებაში ეჭვმიტანილი არიან „ქურთისტანის მუშათა პარტიის" მხარდამჭერები.