აშშ-ის წარმომადგენელთა პალატის კონგრესმენებმა, აშშ-სა და საქართველოს შორის დიპლომატიური ურთიერთობების 25 წლისთავზე, 2 მაისს საქართველოს მხარდამჭერი წერილით პრეზიდენტ ტრამპს მიმართა.

კონგრესმენები ტრამპს საქართველოსთან თავისუფალი ვაჭრობის შეთანხმების გაფორმებისკენ და „ნატოში" გაწევრიანების გზაზე საქართველოს მხარდაჭერისკენ მოუწოდებენ.

„...მოვუწოდებთ აშშ-ის ადმინისტრაციას, რომ გააძლიეროს საქართველოსთან არსებული სტრატეგიული ურთიერთობები. უმნიშვნელოვანესია, რომ აშშ-მ გააგზავნოს ძლიერი გზავნილი, რომ ჩვენ ვდგავართ საქართველოს გვერდით, ისევე როგორც ეს ქართველმა ხალხმა გააკეთა ჩვენთვის" , - აღნიშნულია კონგრესმენთა ერთობლივ წერილში.