ტელეარხ „Fox News" -ის ინფორმაციით, ამერიკის საჰაერო ძალებმა ერთ კვირაში მეორედ ბალისტიკური რაკეტა „Minuteman III" გამოსცადა.

გავრცელებული ინფორმაციით, რაკეტა კალიფორნიის შტატში, ვანდერბერგის ავიაბაზაზე გაუშვეს. მან 6.437 კილომეტრი იფრინა და წყნარ ოკეანეში, მარშალის კუნძულების მახლობლად ჩავარდა. იგი დისტანციურად მართვადია.

აშშ-ს სამხედროების თქმით, რაკეტის გაშვება ჩრდილოეთ კორეასთან ურთიერთობების გაუარესებას არ უკავშირდება.

„Minuteman"-ის რაკეტების გაშვება აუცილებელია, რათა ჩვენი ეროვნული ბირთვული ძალების მდგომარება შემოწმდეს და ამ სფეროში ჩვენი შესაძლებლობების დემონსტრირება მოვახდინოთ ", - განაცხადა სამხედრო პოლკოვნიკმა, ჯონ მოსმა.