ფინანსურმა პოლიციამ სატელეფონო კომუნიკაციების სფეროში ჩადენილი მორიგი საერთაშორისო დანაშაულებრივი ფაქტი გახსნა.თბილისსა და ბათუმში, სხვადასხვა ადგილიდან ამოღებულია 8 ერთეული უკანონოდ განთავსებული, საერთაშორისო ზარის ადგილობრივ ზარად გარდაქმნისთვის განკუთვნილი ელექტრონული მოწყობილობა - ე.წ სიმ ბოქსი.

დანაშაულებრივი ჯგუფის წევრები, უცხოური ზარის ადგილობრივ ზარად გარდაქმნის შედეგად, ხელოვნურად ცვლიდნენ შემომავალი ზარების ტარიფებს და მნიშვნელოვნად აზარალებდნენ სახელმწიფო ბიუჯეტს.

საერთო ჯამში, გამოვლენილია 21 ერთეული „სიმ ბოქსის" უკანონოდ განთავსება - გამოყენების ფაქტი.

გამოძიება საქართველოს სისხლის სამართლის კოდექსის 185-ე, 192-ე და 218 - ე მუხლით მიმდინარეობს, რაც 8 წლამდე ვადით თავისუფლების აღკვეთას ითვალისწინებს.