ოლიმპიური ჩემპიონი ვლადიმერ ხინჩეგაშვილი ევროპის ჩემპიონატის ფინალში იჭიდავებს. სერბეთის ქალაქ ნოვისადში მიმდინარე ევროპის ჩემპიონატის ნახევარფინალში ხინჩეგაშვილმა უკრაინელ პიეტრო ბიელიჩუკს მოუგო, მანამდე კი მოლდოველი და აზერბაიჯანელი მოჭიდავეები დაამარცხა.

ფინალში 61 კილოგრამ წონით კატეგორიაში თავისუფალი სტილით მოჭიდავე ხინჩეგაშვილის მეტოქე რუსი აჰმედ ჩაკაევი იქნება.ჩემპიონატზე ფინალური ბლოკი თბილისის დროით 21:00 სთ-იდან დაიწყება.

საქართველოს ნაკრების ანგარიშზე ამ დროისთვის ორი ბრინჯაოს მედალია,რომლებიც 3 მაისს, ზურაბ იაკობიშვილმა (65 კგ) და ელიზბარ ოდიკაძემ (97კგ) მოიპოვეს.