აშშ-ის პრეზიდენტმა რელიგიური თავისუფლების შესახებ განკარგულებას მოაწერა ხელი, რომელიც ეკლესიებსა და რელიგიურ ორგანიზაციებს პოლიტიკური აქტიურობის საშუალებას აძლევს. ამის შესახებ ინფორმაციას „BBC"-ი ავრცელებს.

მედიასაშუალების ცნობით, ტრამპის განკარგულების მიხედვით, რელიგიურ ორგანიზაციებს შეუძლიათ არჩევნებზე ღიად დაუჭირონ მხარი პოლიტიკურ პარტიებს ან კანდიდატებს.

„ჩვენ აღარ დავუშვებთ, რომ რელიგიური ადამიანები დაჩაგრონ ან დუმილი აიძულონ. ეკლესიას დავუბრუნებთ მის ხმას", - განაცხადა დონალდ ტრამპმა ბრძანებაზე ხელმოწერის დროს.

„independent"-ის ცნობით, რელიგიური ორგანიზაციებისთვის პოლიტიკური აქტიურობა აშშ-ის 36-ე პრეზიდენტის, ლინდონ ჯონსონის ბრძანების შემდეგ შეუძლებელი იყო. დონალდ ტრამპის განკარგულების ძალაში შესვლისთვის კონგრესის თანხმობაა აუცილებელი.