ჩრდილოეთ კორეის ხელისუფლება ამტკიცებს, რომ აშშ და სამხრეთ კორეა კიმ ჩენ ინის მკვლელობის მიზნით შეთქმულებას აწყობს. ამის შესახებ ინფორმაციას „BBC"-ი ავრცელებს.

ჩრდილოეთ კორეის სახელმწიფო უსაფრთხოების სამინისტროს განცხადებაში ნათქვამია, რომ აშშ-ის ცენტრალური სადაზვერვო სამსახურისა და სამხრეთ კორეის სპეცსამსახურების მიერ მხარდაჭერილმა ტერორისტულმა ჯგუფმა, ქვეყანაში ფარულად შეაღწია და კიმ ჩენ ინის ბიოქიმიური ნივთიერებით მოკვლას ცდილობს.

ადგილობრივი სააგენტოს მტკიცებით, ჩრდილოეთ კორეის ლიდერზე შეთქმულების განხორციელება სამხედრო აღლუმის დროს არის დაგეგმილი ისე,რომ თავდასხმის შედეგები თავს 6 ან 12 თვეში იჩენს.