„თბილსერვის ჯგუფის" ზედამხედველობის სამსახურის ინსპექტორებმა, გარემოს დაბინძურების გამო, 202 საჯარიმო ოქმი შეადგინეს, - აღნიშნულის შესახებ დირექტორის მოადგილემ დავით დოლიძემ განაცხადა.

დავით დოლიძის თქმით, გარემოს დაბინძურების გამო გამოწერილმა საჯარიმო თანხამ 21 580 ლარის შეადგინა. დაჯარიმებულთაგან 197 ფიზიკური პირია, იურიდიული კი 5 . ამასთან, 197 პირიდან 61 უცხოელია.

გარემოს დაბინძურების გამო ჯარიმები 3 აპრილიდან ამოქმედდა, თუმცა თავდაპირველად - ზედამხედველობის სამსახურის ინსპექტორები ქუჩაში საინფორმაციო კამპანიას ეწეოდნენ, მოქალაქეებს აფრთხილებდნენ და ინფორმაციას აწვდიდნენ საჯარიმო სანქციებთან დაკავშირებით. ინსპექტორებმა გარემოს დაბინძურებისთვის მოქალაქეების დაჯარიმება ორი კვირის შემდეგ დაიწყეს.