მოძრაობა „Femen"-ის აქტივისტებმა, დასახლება ენენ-ბომონში მარინ ლე პენის საწინააღმდეგო აქცია გამართეს. საპრეზიდენტო კანდიდატმა სწორედ აღნიშნულ უბანში გააკეთა არჩევანი.

აქტივისტებმა დიდი ბანერი გამოფინეს წარწერით „მარინი ხელისუფლებაშია, მარიანა სასოწარკვეთილია". მარიანა-ახალგაზრდა ქალია, რომელიც საფრანგეთის განასახიერებს და გამოხატავს ქვეყნის ნაციონალურ დევიზს „თავისუფლება, თანასწორობა, ძმობა" .

ადგილობრივი პრესის ცნობით, აქციის ერთ-ერთი მონაწილე დააკავეს.

საფრანგეთში დღეს საპრეზიდენტო არჩევნების მეორე ტური ტარდება. პირველ ტურში, 23 აპრილს, En Marche!-ს ლიდერმა, ცენტრისტმა ემანუელ მაკრონმა ხმების 23,75 % მიიღო, "ნაციონალური ფრონტის" ლიდერმა, ულტრამემარჯვენე მარინ ლე პენმა - 21,53 %.