საინფორმაციო სააგენტო „APA"-ს ინფორმაციით, აზერბაიჯანის სპეცსამსახურებმა სამხედროებისა და სამოქალაქო პირების ჯგუფი დააკავა, რომელსაც სომხეთის სპეცსამსახურებთან თანამშრომლობაში ადანაშაულებენ.

„ჩატარებული ღონისძიებების შედეგად და მიღებული მონაცემების საფუძველზე დადგინდა, რომ სამხედროებისა და სამოქალაქო პირების ჯგუფი სომხეთის დაზვერვასთან თანამშრომლობდა და სხვადასხვა დროს მათ სამხედრო საიდუმლოების შემცველ ინფორმაციას გადასცემდა", - ნათქვამია აზერბაიჯანის სახელმწიფო უსაფრთხოების სამსახურის განცხადებაში.

აღნიშნულ ფაქტთან დაკავშირებით აზერბაიჯანის სამხედრო პროკურატურამ სისხლის სამართლის საქმე აღძრა.

განცხადებაში ასევე აღნიშნულია, რომ ოპერატიული ღონისძიებების შედეგად აღიკვეთა ბაქოს საზოგადოებრივი თავშეყრის ადგილებში ტერორისტული საქმიანობა.