მეორე მსოფლიო ომის მონაწილეები, ერთჯერადი ფულადი დახმარების სახით, წელს 600 ლარს მიიღებენ, ხოლო მეორე მსოფლიო ომში დაღუპულთა ოჯახის წევრები 300 ლარს, - ამის შესახებ საქართველოს მთავრობის დადგენილებაშია ნათქვამი, რომელსაც პრემიერმინისტრი გიორგი კვირიკაშვილი აწერს ხელს.

აღნიშნული დადგენილება, ფაშიზმზე გამარჯვების 72-ე წლისთავისადმი მიძღვნილი ღონისძიების ორგანიზებას ეხება. მათ შორისაა პრემიერმინისტრის სახელით საზეიმო მიღების გამართვა, ვაკის პარკში საზეიმო ღონისძიებები, უცნობი ჯარისკაცის საფლავის, თბილისსა და რეგიონებში საძმო სასაფლაოების, ძეგლების კეთილმოწყობა.