განათლებისა და მეცნიერების სამინისტროს განცხადებით, თბილისის 151-ე, 23-ე და სამტრედიის მე-4 სკოლების დირექტორები საპირფარეშოების მოუწესრიგებლობის გამო თანამდებობებიდან გაათავისუფლეს.

შიდა აუდიტის დეპარტამენტის მიერ შემოწმების შედეგად, სხვა დარღვევებთან ერთად, გამოვლინდა ხარვეზები სველ წერტილებში, სადაც დაცული არ იყო ჰიგიენის ნორმები.

გაფრთხილება მიეცა მარნეულის მე-3, მარნეულის სოფელ ჯანდარის და ყაზბეგის სოფელ არშის სკოლებს. მითითება მიეცა მარნეულის სოფელ წერეთლის სკოლას.

„ხუთსაც გავათავისუფლებთ და ოცდახუთსაც, თუ საქმეს დასჭირდა", - ასე გამოეხმაურა ფაქტს განათლებისა და მეცნიერების მინისტრი, ალექსანდრე ჯეჯელავა.

მისივე განცხადებით, დირექტორებმა სისუფთავესთან დაკავშირებით ყურადღება არ უნდა მოადუნონ, ხოლო იმ სკოლებს, რომლებსაც სახსრები არ აქვთ, სამინისტრო დაეხმარება.