„Associated Press"-ის ინფორმაციით, პრეზიდენტმა დონალდ ტრამპმა აშშ-ის ფედერალური გამოძიების ბიუროს (FBI) ხელმძღვანელი ჯეიმს კომი მოხსნა. გავრცელებული ინფორმაციით, „FBI"-ის გამოძიების ხელმძღვანელის თანამდებობიდან გათავისუფლება აშშ-ის გენერალური პროკურორის და მისი მოადგილის რეკომენდაციით მოხდა.

„გამოძიების ფედერალური ბიურო ჩვენი ქვეყნის ერთ-ერთი ყველაზე ავტორიტეტული და მნიშვნელოვანი ორგანიზაციაა და დღევანდელი დღე გახდება ახალი საწყისი ჩვენი სამართალდამცავი სისტემის მთავარი სიამაყისათვის", - განაცხადა ტრამპმა.