პოლონეთის ქალაქ ლეგნიცაში გამართული ტურნირის ფინალში ქართველებმა რუსეთის ნაკრები დამაჯერებლად დაამარცხეს - 6:0 და „ევროპის დიდი პრიზის" გამარჯვებული გახდა.

ფინალურ დაპირისპირებამდე, საქართველოს ნაკრებმა პირველ წრეში ჰოლანდიას მოუგო 5:3, ნახევარფინალში კი მსოფლიოს ორგზის ჩემპიონი იტალია დაამარცხა 6:2.

საქართველოს ქალთა ნაკრებმა გრან-პრიზე ასეთი შემადგენლობით იასპარეზა: მსოფლიოს ვიცეჩემპიონი ქრისტინე ესებუა, გუნდურში ევროპის ორგზის ვიცეჩემპიონი - ხათუნა ნარიმანიძე და დებიუტანტი ეროვნული გუნდის შემადგენლობაში ნანა მახარაძე.

დღეს გამარჯვებულ მშვილდოსნებს სპორტისა და ახალგაზრდობის საქმეთა მინისტრმა ტარიელ ხეჩიკაშვილმა უმასპინძლა და გამარჯვება მიულოცა.