მესტიის მუნიციპალიტეტის გამგებელმა, კახა ჟორჟოლიანმა განაცხადა, რომ უამინდობის გამო, მესტიის მუნიციპალიტეტის 10 სოფელი გარესამყაროს მოსწყდა. აქედან 5 სოფელი ხაიშის თემს ეკუთვნის, 5 კი უშგულის ტერიტორიას.

მუნიციპალიტეტის გამგებლის თქმით, მეწყერმა შიდასასოფლო გზები დააზიანა, წაქცეულია ელექტროგადამცემი ხაზები, წაღებულია ხიდი და უშგულის ცენტრალურ გზაზე მეწყერია ჩამოწოლილი.

ადგილზე მობილიზებულია შესაბამისი ტექნიკა და გაწმენდითი სამუშაოები მიმდინარეობს. რაც შეეხება ზარალის ოდენობას, კომისია მუშაობს და ინფორმაცია მოგვიანებით გასაჯაროვდება.