თავდაცვის სამინისტროს ინფორმაციით, „დელტას" სეტყვის საწინააღმედგო სისტემის აქტიური მუშაობის შედეგად, 10-11 მაისს კახეთის რეგიონში განსაკუთრებით მძლავრი სეტყვასაშიში პროცესები განეიტრალდა.

სტიქიის თავიდან ასარიდებლად, სეტყვის საწინააღმდეგო სისტემამ 300-ზე მეტი რაკეტა გაისროლა. ღრუბლის მასებმა ახმეტის, თელავის, საგარეჯოს, გურჯაანის, სიღნაღის, ყვარელის და დედოფლისწყაროს რაიონები ეტაპობრივად მოიცვა. შემოსული ნალექის სრული მასა, ამ რაიონების თავზე ინტენსიური წვიმის სახით ჩამოიცალა.