„BBC"-ის ინფორმაციით, აშშ-ს საბაჟო და იმიგრაციის პოლიციამ (ICE), ბოლო 6 კვირის განმავლობაში კრიმინალური ბანდების წინააღმდეგ ოპერაციის ფარგლებში 1378 ადამიანი დააკავა.

დაკავებულთაგან 1000-ზე მეტი დანაშაულებრივ დაჯგუფებების მონაწილეობისთვის, 238 კი სხვადასხვა სისხლის სამართლის და ადმინისტრაციული საქმეების გამო დააკავეს. დაკავებულთაგან უმეტესობა, ამერიკის მოქალაქეა.

ICE-ს ხელმძღვანელის ტომას ჰომანის განცხადებით, ქუჩის ბანდები ამერიკის საზოგადოებისთვის ერთ-ერთი სერიოზული საფრთხეა.

ეს რეიდები იმ ოპერაციის ნაწილია, რომელსაც აშშ-ის სპეცსამსახურები 2005 წლიდან ნარკოტიკებით და ადამიანებით ვაჭრობაში მონაწილე დაჯგუფებების წინააღმდეგ ახორციელებს.